،،،،،اتناشر مقلب،،،،،
مش عارف بس افكر
تفكيرى منه اتشل
لانا شايف كلمه تعبر
اخلاقه بس تعل
حاطت ايدي على خدي
مخصوم مني يومين
لا ف بالى يانا يا غلبي
طيب والقلب حزين
يحكي لمديري نصايب
ومنها يا ناس برىء
واخينا وصولى خايب
للشر قلبه جرىء
والكل ملدوع منه
خصومات و مرفودين
ومديرنا يحكي عنه
ناصح شاطر وأمين
يا مقلب صبري نفد
عايزك تبرد نارى
العقل صوابه فقد
مستني تاخد تاري
حدت الادوار بالحرف
والزمله حفظ دوغري
قدامه راح اخد ظرف
حوافز مجهود شغلي
واخينا هلل واتنرفز
د مديرنا ظالم واناني
وصوته وصله اتحفز
اسبوع خصم تعالالى
