\\نفسي أرجع \\-------------------------- بقلم الشاعرعصام دويدار

\\نفسي أرجع \\

نفسي أرجع تاني عيل 
وأمشي ف طريقي من جديد 
وأستنى لما الليل ي ليل 
وأنام براحتي علي السرير 
من غير ما أسرح بالساعات 
في مشاكل اليوم اللي فات
أو حتى بكرا هعمل أيه
لما أصحى أو يقولوا مات
عمال أجمع ذكريات
مفيهاش ولا حاجه أختياري
كراكيب على شوية آهات
مكتوبه في شهادة ميلادي
من أول الاسم ب عصام
كتبوه عشان أطلع عصامي
أتاريه إختيار مظبوط تمام
مقسوملي وحدي أشيل آلامي