شهيد على جبين الوطن
لما الرصاص قال للمطر
ها قوم بدورك يامطر
قال الشهيد ....
احمينى يابا من الخطر
ابعد كلاب الصهاينه عن ضى القمر
شايف يابويا بعينى قبرى بيتحفر
إحمينى يابا وضمنى
إبنك انا وبتحبنى
خلفتنى وفرحت بيا وشلتنى
إحمينى يابا من الخطر
الأب قال ....
أحميك بعمرى ياضى عمرى
ومطلبى .....
طخونى أنا وسيبوا الصبى
صراخى ضايع فى الفضا
صوت الرصاص قتل الرجا
طخونى أنا وسيبوا الصبى
قال الشهيد ....
خلاص يابويا ماتحمنيش
خلاص يابويا مش راح أعيش
رايح يابويا للمسيح
يمكن أداوى هناك جريح
رايح لخير المرسلين
رايح لكل المنزلين
رايح مع طفل الحجر
رايح لمن ماتوا ف بحر البقر
أوصيك يابويا بالوطن
ومافيش تنازل عن دا الأمل
وما تتنازلش عن دمنا
دا حقنا ودا حلمنا
و مات الولد ...
مات الول ياملعونين
فى الصبح مين يضحك لمين
مات الولد بتطخوا مين
فى كل شرع وكل دين
يحرم رصاص المجرمين
خلاص بقى مات الضنا
ومين يقول القدس لنا
القدس لنا
ليست هناك تعليقات:
إرسال تعليق