الوقت وقتي:...عزالدين الحميري

الوقت وقتي:
من بزوغ الفجر لين ساعة حلول الليل
الوقت وقتك ولكن بعدها الوقت وقتي
إنت وغيرك اسألوا القمر والنجم وسهيل
يعلمونك هذا الحال في حضوري وغربتي
شبيه اللي تايه بالصحرا ويدور له دليل
تايه توه النجم وأدور خارج مجالي ومجرتي
مالي يالغلا في غرامك شبيه ولالي بديل
الحرف حرفك ومعاني قلمي ومداد محبرتي
ريمتي عسى كلامي وافي ولايكون قليل
الحشا دارك ونبض القلب ونور العين صرتي
في هالساعة طيفك حضر والحال ترى عليل
ياعسى هالشعور ينتابك من حضرتي وزرتي
ياحروف الشوق والغرام طيري صوب الخليل
دقت ساعة الحنين من باح كلامي وسرتي
يشدني هبوب النسيم ورياح علي تميل
وأقول يانفس الغلا يحقق مرادك من صبرتي
هذا البوح يريح البال ويسعده وتراه يزيل
هم وحزن من يرواد حالي وتبان مسرتي
لحون الغرام دايم تعزف أنغام وتراتيل
في كل لحن معنى وحالة انت بيها عبرتي
الختام ولايحي ببالك هو جفى ورحيل
لأجل تشتاق روحك وعينك لحرفي وكلمتي
@عزالدين الحميري@