دنياالناس ...بقلم الشاعر .عبدالمنعم عدلى..

دنياالناس
عبدالمنعم عدلى..مصر
دنيا وفيها العجب
واللى صاب
فيها ماغلب
فيه ناس راكبه
القطر القشاش
وناس بتلعب
بقلوب الناس
وناس ماشيه
جوه الحيط
وناس بتدوس
على ناس
وناس راكبه
القطر الطيار
ملهوش محطات
دنيا وأخرها تراب
بس الناس
ناسيه إنها
من تراب
ومات فيها الإحساس
والضمير فى الثلاجه
شربوه الغلابه
دنيا وفيها ناس
بتبص على ناس
والعين جرحت الإحساس
دنيا غداره
وسكن فيها
أبو فرس وحماره
واللى ماشى على رجله
ماعندهوش رخصة حماره
ليه يادنيا
فيك ناس وناس
ناس فوق
بيعزفوا ليها الموسيقى
وناس تحت التراب
داس عليهم الناس
أصلها دنيا
وفيها ناس معجونين
بنار السموم
وفيها ناس من
التراب مخلوقين
والى التراب رايحين
ياعين عليك يادنيا
لبست ثوب الغدر
وغدرت بالغلابه
بقلمى عبدالمنعم عدلى