الأحد، 19 يونيو 2022
ثاني الحروف..قلم الشاعر نور الدين الباش
ثاني الحروف بديت بيه انادي
باباي جد اولادي
روح الحياة والنبض في فؤادي
نبض الحياة يا بابا
الله يرحمك ويحشرك في اصحابا
في ذكرتك تجي دمعتي سكابا
بالصوت تبدا بكيتي غرادي
برضاك يفتحلي الكريم ابوابا
وبلاه تبدا نار الهجي صهادي
برضاك تحلى حياتي
ووبلاك تبدى سايله دمعاتي
كنت المنارة في رسمها خطواتي
تشوف الخطر تقول ابعد غادي
وحذاك تحلى قعدتي ومباتي
وكي رحلت حتى طعمها غدادي
كي رحلت بيا سوادت
لا ميعاد لا قعدة بلاك ما عادت
كيف المنية عليك بابا نادت
يجعل مسكنك جنب الشريف الهادي
جرود الحياة لاكان طابت بادت
لزوم نرجعوا للتراب وسادي
ثاني الحروف بديت بيه انادي
باباي جد اولادي
روح الحياة والنبض في فؤادي
نورالدين الباش
19/06/2022
الاشتراك في:
تعليقات الرسالة (Atom)
ليست هناك تعليقات:
إرسال تعليق