مساكين ياقلوب العاشقين) الشاعر اشرف الدغيدي

(مساكين ياقلوب العاشقين) قولولي ياعاشقين ازاي اتحمل اشوف في عيون حبيبي دمعته حبيته وخبيت عليه واتعلقت بيه من يوم ماسحرني بِنظرتُه ياخساره ميال لغيري ويجيني يشكي من قسوته لاحاسس بيا ولا بعذابي ولا هامه غير شكوته واعمل ايه مش عارف هو عايز يعمل إيه فيا وليه بيشكيلي من قسوة حبيبه ليا واسهر الليل صعبان عليا منه وعليه ودموع عينيا سبقاني لما تشوف دموع عينيه عايش في حيره ونار احكيله عن حبي وهو بيشكيلي ومن حبيبه محتار ولا اخبي جوايا هوايا واتحمل عذاب قلبي واعيش في نار يااهل الهوي إرحموني وقولولي اعمل إيه بحبه ومش داري بيا وهو مش شيفاني عينيه ومن عذابه في حبه مانامت جفوني من حسرتي وخوفي عليه خايف اقوله وابوح بحبي يسيبني وح يكون مصيري إيه وآه ياحب آه قاسي وظالم لما الحبيب يسهر يفكر وحبيبه مش داري بيه ونايم ليه ياحب بتقسي علي قلوب عاشقه وشاريه حبايبها وتخليها عايشه في نار مكويه من عمايلها وليه تسيبها تتعذب من حب مهواش من نصيبها وتعيش حيرانه ومن نار الغيره تتألم وآه ياقلوب مسكينه لما تميلي لقلوب بايعه ومش قادره تتكلم وتفضل نار الحب جواها علي طول قايده ومهما حاولت تنسي وترتاح من عذابها ماتلقاش فايده واه لما القلوب تشتاق لحبيب عمره ومن غير أمل يااهل الهوي زاد جنوني قولولي إيه العمل دي الحياه من غير حبيب بتكون حياه عدم وياويله اللي الهوي رماه لنصيب غيره وياناره لو كان حبيبه قدام عينه لاحاسس بيه ولا بهواه وهو الحبيب اللي من الدنيا بيتمناه مساكين ياقلوب العاشقين مساكين وياويل العاشقين إللي في هواهم دايبيين ومرار يادنيا مرار لو كانوا الحبايب بحبايبهم مش داريين وياويل اللي حب غصب عنه ومن غير إختيار ومرار ياحب مرار لما القلب يميل لحبيب قلبه له مش ميال مساكين وعايشين في دنيا سارقه من قلوبنا الأحلام وليه يادنيا قاسيه ومفرقه قلوب دايبه في الغرام خواطر (اشرف الدغيدي) حقوق النشر محفوظة