المستحيل
إنك تغازل دمعتك
في ليل قاسي وطويل
تقفل نوافذ فرحتك
تبدر جراحك
تنبت ألم
يسجنك
ياخدك أسير
تعيش ظلام وحدتك
وانت الأمير
المستحيل
إنك تقول
مقسوم لقلبي دمعته
يشكي تزيد غربته
في ليل الحياة
تموت سنابل قمحه
تتبدد قواه
يفقد الحياة
المستحيل
إنك تنسي الإله
خالق الكون والحياة
مهما تطول المحن
خريفها ٱخره ربيع
عمر الأمل مايضيع
دا كل شئ موضوع
حتي الشبع والجوع
أبدأ وسير
أرسم مصير
الغربة فكرة
ليست عمل
المستحيل
إنك تقود
مركب حياتك للركود
تقول غريب
واذاي غريب
الفكرة نفسها
شئ عجيب
من أمتي غيرنا
يمشي طريقنا
دا لكل واحد
طريق يمشيه
المستحيل
إنك تبيع وتشتري
في حاجه
مش ملك إيدك
نفسك أمانه
وهبها ليك
ليه عليها تفتري
قرب من الحياة
إمسح دموع الٱه
دا لكل شئ منتهاه
كله بأمر الله
المستحيل
إن الحقايق
جواك تعيش
وتحارب اللي مافيش
طواحين هوا
ٱخرتها إيه
ترجع بوهم مايسويش
شوف القمر
رغم الظلام
حالف ليرسم
ألف بسمه
لمحة أمل
في عيون حبيب
شعر عبدالله محمد حسن
مصر
ليست هناك تعليقات:
إرسال تعليق