ردت اسالج.. بله منين كوليلي؟
اعرفج من قبل ما انتي تحجيلي
وعيونج بحر والرموش اجروف
ضعت بمواج عينج ايا ويلي
وبحبج تهت تيهاني الموج
ما ميز بعد صار انهاري ليلي
صبرني العشك وياج جم اسنين
عفت الصحب والخلان توميلي
عراقية انتي والفخر زاد اطنون
منو مثلج بعد بالكون ..تحليلي
نيران العشك تاكل بنص حشاي
وسوالف ليل وعتابة وياج ناغيلي
غرورج حلو وطبعج احلى اطباع
موبيدج شيلتها الخشم .... شيلي
لو مو حيرتي العقل ...ما كال
قباني الشعر بس بيج... ترتيلي
غارن منج كل نساء الكون
عراقية الاصل هم بيج تأصيلي
دمج احلى من العسل والقند والله
شهد مخبوط لو سويتي تحليلي
يمزيونه هلج اسمج بالهويه اعلام
وحك اسم العراق اكحيلة ناديلي
انتي ام الشهيد ...وخية الابطال
مثل نخلة عراق وشامخة بحيلي
ريم البازي
ليست هناك تعليقات:
إرسال تعليق