مش عارفة هلاقيها منين انا ولا منيـــــن
اهرب م الايام الظالمه واروح على فيــن
كل مابقفل باب للحزن واطيب جرحـــــى
الدنيا بتفتحلى بدل الباب عشــــــــــرين
...
متهيئلى محدش شاف م الدنيا عذاب قداللى انا شفــــــــته
ومفيش انسان فى الكون يقدر يتحمل اللى اتحملتــــــــــــه
حسره قلبى اللى بيجرحنى اللى ماخونتوش وامنتــــــــــــه
دلوقتى بقيت اخاف من ضلى ومفتحة عينى اللى اتنيـــــــــن
مش عارفة هلاقيها منين انا ولامنيــــــن
اهرب م الايام الظالمه واروح على فيـــن
كل مابقفل باب للحزن واطيب جرحــــــى
الدنيا بتفتحلى بدل الباب عشــــــــــرين
شايلة حمل جبال على كتفى وراضية وساكتة متكلمتــــــش
كل مااحاول اقف على رجلى حاجه تكسرنى ومستسلمتش
قالوا اللى بيصبر بينول وانا صابرة طول عمرى منولتــــــــــــش
لوكان الحظ بينباع دلــــــــــــونى قــــــــــــــولولى بينباع فين
مش عارفة هلاقيها منين انا ولا منيــــن...
من ملفاتى / نجوى رستم
٢ يونيو ٢٠١٤
ليست هناك تعليقات:
إرسال تعليق