غدر الحبيب
لو فى يوم صادفك حبيب اوعى عمرك تخسره
خد بأيده وكون قريب لو خطأ يوم اعذره
خلى جرح الشوق يطيب سانده دايما وانصره
اوعى يوم تخلف وعودك او تتركه فى وسط الطريق
حسسه بحنان وجودك خلى طيفك له رفيق
اوعى يوم يشمت حسودك ويقلب الحب لحريق
لو يغيب اسال عليه الكلمه منك تسعده
مد ايدك والمس ايديه حافظ عليه ولا تفقده
هو اصل الحب ايه غير قلب عاشق ننشده
خلى حبك فيه تفانى خلى شمس الحب تسطع
كل عشق وله معانى حب يجرح \ حب يلسع\
حب فيه فرح واغانى حب للاحزان بيجمع
حب ماتنوله الامانى حب زى الماس بيلمع
اوعى يوم تخسر حبيبك اوعى يوم تهجر حبيب
ليه ينكوى بنيران لهيبك وانت عارف ان جرحك مايطيب
ليه تسيبنى فى يوم واسيبك ده الفراق والله رهيب
شعر احمد اسماعيل \شاعر العرب
ليست هناك تعليقات:
إرسال تعليق