( ماتقوليش )
********
ماتقوليش إن السعادة
بكرة تيجى مع السنين
دا السنين هتزيد كآبه
وهيعلى صوتنا بالأنين
ماتقوليش إن إحنا بكرة
أكيد هنبقى فرحانين
دا الشقا مكتوب علينا
وعشانه إحنا مخلوقين
ماتقوليش إن الدموع
بكرة هتكره العنين
دا الدمع بكرة هيبقى أكتر
وهينطفى نور العنين
ماتقوليش الحب بكرة
هيداوى كل المجروحين
يمكن تكونى إرتاحتى إنتى
لكن أنا أرتاح منين
ماتقوليش القرب بكرة
راح يطفى شوقنا والحنين
دا البعاد طول علينا
وإشتقت نبقى قريبين...(بقلم / علاء زايد )
ليست هناك تعليقات:
إرسال تعليق