اقول : وانا المهيار
يا وقت اشهد على الريم والمهيار بجدال
جدال يطول شرحه ويصعب قوله
يا ( ريم )واحساس الغلا ديم همال
احساس صادق يستثيرك هطوله
صدق الحقيقة مابها شك وأجدال
لو الزمن يفرض علينا ميوله
اقولها (ياريم )من واقع الحال
وحال المعاني من واقع نحوله
العشق مهره ...والمضامين خيال
والطيب موقف والهقاوي بطوله
والشعر مضمونه على مر الاجيال
هاجس خيالي مايكذب رسوله
مادام لك في قمة المجد مدهال
على سنام المجد صوله وجوله
انثى تجاوز بالوفا كل رجال
بنت الذي بالطيب يسرج خيوله
ابوك صيته بين الاجواد لازال
قوله يبرهن بالمواقف افعوله
مايوصفه بالشعر جزلات الامثال
في مرقب يا ( ريم ) صعب وصوله
نبض القصايد يالغلا فيك تخيال
وكلن على ساسه يحدد مثوله
كتبت لك من صادق القول مرسال
وجزل القوافي صاحيه ومهبوله
في خافقي عبرة وصرخه وموال
وجرح الزمان (يا ريم ) نوخ زلوله
بوح المهيار ما يفكه غير الرجال
رجال تطوي غضب الارض قبل حلوله
ليست هناك تعليقات:
إرسال تعليق