حمــــــــــــــــــــــــــد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تنــــز آمـال أيامـــــــي الممحـــــلات
واحس ابروحي تتبرعم
ويالذات
وأفز من صـــــوت يعبر على الصوبين
يشك صمت الفجر ينده
الكصبات
دشد عزمك كصبنه اشلـون الك عين
تنام وهالوطن مصيوب
جيلات
ولك وانته يبردي لســـــــــلهمك ليل
تشرعب يبن هوري وصير
فالات
ما نرضه غريـب ايفوت بالهــــــــــــور
وما يقبل ( حمد ) تنجفي
الدلات
(حمد . يحمود )كلنه وياك ماشـــين
نحن لأفعالكم حن
الحمامات
حمد رمز البطوله صرت عنــــــــــوان
ومثل للبيه شهامه واله
نخـــوات
حمد عين الوطن ومســـــاهره الليل
يحط بيها ملح يكتل
الغفلات
حمد صبرك ( كبر ) عايــش بلا ماي
اذا دكه العطش تسكيه
الزينات
حمد هذا العراق ايــريد ناطــــــــــور
الجبل والهور وسهولنه
الحلوات
حمد لا تغمض الجفنين ارجــــــــوك
الحراميه تحوف اتريد
غفـــــلات
ــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق