عرش الصدق – زجل – بقلم عبد الله أمحرف

بغيت يا قلبي، نفهم شلا حوايج..

دخلت بحر غرامك ..لقيتو هايج..

شحال من واحد فيه غارق

ماعارف العومان..للرجلة سارق

شلا حكيات ،طرزوها عليك يا بحر

ما فيك أمان ،كلك عامر بالغدر..

جوفك، رجع ،أوجع وقبر..

ما فيك محنة ،أنت خط أحمر..

لي تعاداه ،إودع ما بقى ف لعمر..

....

شلا حكيات ،طرزوها عليك يا بحر

ما فيك أمان ،كلك عامر بالغدر..

جوفك، رجع ،أوجع وقبر..

ما فيك محنة ،أنت خط أحمر..

لي تعاداه ،إودع ما بقى ف لعمر..

....

شلا مابغيت نفهم من احوايج..

علاش الصدق مشى..

والكذوب والنفاق اصبح رايج

الصادق رجع كمشه..

والكذاب إركب ،ابدل فالسوارج

الصادق ،تشدو الدهشة..

الا جا يدريبلي، دجيه فرشة

والكذاب،كذبة كبيرة،كي الشعرة من العجين خارج

ما يديها فيه حد إغيط ولا إطبل بالتعارج..

والصادق،ديم صادق ،ما خصو نقشة..

ولا في ذل الحشمة ،يتحشى

راه احبل الكذاب قصير..يتقطع..يبقى للتفارج

كون صادق مع نفسك مع الناس ..

ترتاح ،ما يطير ليك نعاس..

ما ضرب الخماس ف السداس

ما تصيبك يا قلبي خدشة..

ضمير ..مرتاح،،رجع ورشة..

الصادق، بنى بالصدق، عرشه..

والكذاب، ببقى كذاب، كبدتو حرشة

كيخاف العباد،ينسى ربهم.. ليه خصو يخشى

يوم يبقى وحيد فقبرو ..يتخشى ..

يرجع عضام واتراب بعد ما يرشى ....

عرش الصدق..بقلم عبدو امحرف