شاكر مفتاح
*************
انا فى الجمع واد عربى
لكن مصرى
وموبايلى هواوى من الاصلى
فى بيتنا رموت ودفاية
وبسبسب شعرى فى مرايا
ومتجلجل بعرف الديك
ولبسى ماشى على الموضة
وفى الاوضة حاطت بوستر
لبنت خطيرة من الاخر
وادى دولابى بألوانة
تى شيرتى نايك او بولو
اشى لمونى واشى زاتونى
وشوزى كلاركس الجامد
وكوتش لوتو دبابة
انا شوشو الواد العصرى
حاسس نفسى كده اصلى
وروشنتى اخر حاجة
وعلى التسريحة هتلاقى
حظاظتى ودليتى وسلسلتى
ذهب ابيض من الغالى
وفى الخنصر لابس خاتم
ابو جماجم
ولا فارق كلام الناس
انا اصلاً بدون احساس
.
ولما وصلت 16
حطوا صورتى فى بطاقة
وسمونى / شاكر مفتاح
وكتبوا ان أنا / مسلم
وانا معرفش ايه مسلم
وده حالى وده فكرى
وانا عارف عيوبى كتير
لكن لو يوم هتحاسب
على وضعى امام الله
انا هجاوب وهشاور
على الى ربت وخلتنى
اكون شوشو بدل شاكر
ولما بتنده على ابويا
تقول توحه بدل مفتاح
هقول يارب سامحنى
وهيسامح عشان عارف
انا اصلاً
معرفتش غير امبارح
انا مملكش يا ربى شغلانه
عشان اصرف
واجيب فى حاجات
حق الجيل وهدومى
دفعها ابويا او امى
وجوه البيت لاشفت حد
بيصوم يوم ولا يصلى
كنت ازاى انا اتوضئ
وحط الميه على شعرى
وجيلى يبوظ
انا اتربيت فى وسط البيت
انا ................ ولولو
وده مش اخويا
ده كلب صاحب ابويا
كتير بغلط وعمر امى ما زعلت
ولا فى وشى قامت هبة
ولو يارب هتحاسب على حالى
انا بطلب يكون عدلك
اساس حكمك واتحاسب
انا وابويا قبل امى
وهات عمى وهات خالى
وكمان جارى الى كان شايف
عيوبى كتير ولا همه
وعمره ما شافنى زى ابنه
.
ولا تسألنى ياربى
عن الاقصى
وعن دعوة لاصل الدين
اديك شايف
عايش شوشو
وكان نفسى اكون / شاكر
واتعلم اساس الدين
......شاكر مفتاح .....#صائد_الكلمات........بقلمى / احمد كمال
*************
انا فى الجمع واد عربى
لكن مصرى
وموبايلى هواوى من الاصلى
فى بيتنا رموت ودفاية
وبسبسب شعرى فى مرايا
ومتجلجل بعرف الديك
ولبسى ماشى على الموضة
وفى الاوضة حاطت بوستر
لبنت خطيرة من الاخر
وادى دولابى بألوانة
تى شيرتى نايك او بولو
اشى لمونى واشى زاتونى
وشوزى كلاركس الجامد
وكوتش لوتو دبابة
انا شوشو الواد العصرى
حاسس نفسى كده اصلى
وروشنتى اخر حاجة
وعلى التسريحة هتلاقى
حظاظتى ودليتى وسلسلتى
ذهب ابيض من الغالى
وفى الخنصر لابس خاتم
ابو جماجم
ولا فارق كلام الناس
انا اصلاً بدون احساس
.
ولما وصلت 16
حطوا صورتى فى بطاقة
وسمونى / شاكر مفتاح
وكتبوا ان أنا / مسلم
وانا معرفش ايه مسلم
وده حالى وده فكرى
وانا عارف عيوبى كتير
لكن لو يوم هتحاسب
على وضعى امام الله
انا هجاوب وهشاور
على الى ربت وخلتنى
اكون شوشو بدل شاكر
ولما بتنده على ابويا
تقول توحه بدل مفتاح
هقول يارب سامحنى
وهيسامح عشان عارف
انا اصلاً
معرفتش غير امبارح
انا مملكش يا ربى شغلانه
عشان اصرف
واجيب فى حاجات
حق الجيل وهدومى
دفعها ابويا او امى
وجوه البيت لاشفت حد
بيصوم يوم ولا يصلى
كنت ازاى انا اتوضئ
وحط الميه على شعرى
وجيلى يبوظ
انا اتربيت فى وسط البيت
انا ................ ولولو
وده مش اخويا
ده كلب صاحب ابويا
كتير بغلط وعمر امى ما زعلت
ولا فى وشى قامت هبة
ولو يارب هتحاسب على حالى
انا بطلب يكون عدلك
اساس حكمك واتحاسب
انا وابويا قبل امى
وهات عمى وهات خالى
وكمان جارى الى كان شايف
عيوبى كتير ولا همه
وعمره ما شافنى زى ابنه
.
ولا تسألنى ياربى
عن الاقصى
وعن دعوة لاصل الدين
اديك شايف
عايش شوشو
وكان نفسى اكون / شاكر
واتعلم اساس الدين
......شاكر مفتاح .....#صائد_الكلمات........بقلمى / احمد كمال
ليست هناك تعليقات:
إرسال تعليق