افكار*** بقلم محمود السيد مسعود

أفكار
ــــــــــــــــــــ
تسرقني اللحظة
وألاقي نفسي جوه متاهة
أفكار محشورة مخنوقة
تنده زى النداهة
صوتها يجيلي من بعيد
تسبقني أفضل أجري وراها
أسأل نفسي إيه أخرتها
والهم معشش جواها
الفكرة تنادي علي اخوتها
صاحبنا يظهر سرحان
ماتيجي يابنت نقلبها
ونخليه علي طول زهقان
من امتي كنتوا صحابي
أما احتاجكم ألاقيكم
دايما واقفين علي بابي
ودموعي احتارت فيكم
سيبوني ...........!!
سيبوني ارتاح شوية
بسببكم بقيت سواح
في بلاد الخلق
ماشفتش منكم
ياعالم ..................
غير بس جراح ............................!!
ـــــــــــــــــــــــــــــــــــــــــــــــــــــــــــــــــــــــــــ
بقلمي / محمود السيد مسعود ( عامي ) 25/3/2016م