فطيره وعسل اسود وجبنه قديمه
-------------------------------
فطيره وعسل اسود وجبنه قديمه ----
مفيش اطعم من كدا ياست بسيمه ----
والفرن قادح وفرد المطارح قيمه ----
و فرداها ومغرقاها سمن بهيمه -----
وريحتها ترد الروح
وطعمها بيفوح
والنيه صافيه وسليمه ----
والعيال تاكل
ومفيش مشاكل
ويبقى عيد وانتى كريمه -----
مهيصه عيالك
وحتى جيرانك
عطياهم فطيره سليمه-----
وزى الشهد الفطير
احلى م البط الشرشير
واجدع من اجدع وليمه-------
ولو الكل عنده ضمير
كانت الفطيره توكل كتير
سلوى وفاديه وحسن وسمير
اصل الكرم عاده وشيمه -----
وطعمها يبقى سكر
يزيح الهم المعكر
والحب يصبح مسيطر
ويقلدوه ف السيما --------
ف الفلاحين بالذات
لانه م الملذات
العيل ماسك اللقمه
ملط من غير هدمه
وبيوزع الضحكات
ارحم م المش ابو دوده
والفطير حمرا خدوده
واهى اكله عليها القيمه ------
-----------
الشاعر \\ عبد العليم ابو عبده
ليست هناك تعليقات:
إرسال تعليق