أنتظر يا حبيبى
متستعجل كده ليه
إحنا لسه يا دوب
هنبتدى الحكايه
هي الدنيا جرا فيها أيه
يا دوب إتقابلنا كام مره
يا دوب نظره وإبتسامه
و كام كلمه
وحضن إيدينا بالسلام
مش كده ولا أيه
ولا فاكرها كانت
كل مره كانت صدفه
وباي باي مع السلامه
وكل واحد يروح لحاله
يا سلام
حكايتنا يا حبيبى
إبتدت من أول نظره
ليه عايز تعملها نهايه
وتخليها ذكرى
لا يا حبيبي
كده يبقي حرام
حكايتنا يا حبيبي
حكاية غرام
رسمتها لينا الأقدار
من غير مواعيد
ولا إنتظار
صحيح كانت صدفه
بس علمت ف القلب البسمه
ودغدغت المشاعر الكلمه
ودفاني حضن السلام
يا دوب بعد ما أفترقنا
قادت ف القلب النار
لا يا حبيبي
لو كانت كده بالنسبالك
كام مقابله والسلام
أنا بالنسبالي إنصهار
ولا فاكرها كانت أوهام
عشناها ليله فى الأحلام
لا يا حبيبى
حكايتنا حكاية عاشق
إتخطف قلبه ف عز النهار
أنت فاكر قلبى أيه
لعبه تتسلى بيها
زى الأطفال
حكايتنا حكاية حب
أبتدت بقلب دق
لما إتقبلنا بالسلام
سحرتنى نظرة عنيك
أخدتنى أبتسامة شفايفك
ورحت معاها لبعيد
دق القلب من لمسة أيديك
دوبت وخطفت قلبي
ورجعتني أعيش الأحلام
علمتني إزاي أسهر وأفكر
علمتني معنى الشوق والغرام
خلاص هتعملها ذكرى
كتبناها ع جزع شجره
ورسمنا قلب وسهم كمان
لا يا حبيبي
لسه سلامك معلم ف إيدي
إزاي عايزني أنسى
عزفنا على الأوتار
بالنظره والإبتسامه والسلام
فاكر عنينا لما جت ف عنيك
كانت بتقول أحلى كلام
فاكر الإبتسامه وعمايلها
ولا سلامك بإيديك وإديا
كانوا أحلى كلام
فاكر ولا أنا بحلم
ولا يمكن تكون أوهام
حرام عليك
أنا ما صدقت قربت منك
وقولت خلاص القلب راحلك
ترجع تانى تلوعنى
زى المرجيحه تمرجحنى
بنار البعد والنكران
رسينى يا حبيبي ع برك
أوعدنى ما تعذبنى بتُقلك
ولا فاكر هتسوق عليا الدلال
أوعى ف يوم ترمينى
فى بحر النسيان وتنساني
وترجعنى لليالى السهد
والسهر والعذاب والبعد
والحرمان
والله يبقى حرام
حبيبى أستنى شويه
عايز أسألك سؤال
ليه حكايتنا زى المُرجيحه
وليه دلوقتى بنتعاتب
شد وجذب وخصام
تعبت م ليالى السهر
ودوقت حلاوة عذاب
الشوق والغرام
ليه كل ما نقرب
ترجع أنت تهد وتبعد
وكل مره تهدد بالخصام
وكأنك طفل بتلعب
بلعبه والسلام
سقتنى العذاب وكأنه
نار بتقيد فى القلب
والوجدان
بتلوعنى ليه بدلالك
أنا مش قدك
ولا حمل أفعالك
أنا يدوب بفُك الخط
وكأنى لسه بتعلم
معنى الكلام
عيشتنى حالة صمت
ومنعت عنى النطُق
نستنى حروف الكلام
حيرتنى معاك
وأنا بعشق هواك
حتى الشوق
إللى كان فى قلبى
داب من كتر قساك
والله الظلم حرام
كلماتي
زغلول الطواب
ليست هناك تعليقات:
إرسال تعليق