حبايبنا...قلم .. عبدالمنعم عدلى

حبايبنا
عبدالمنعم عدلى
مشيوا حبايبنا
وسبونا لناس
تأذى فينا
مكتوب علينا
الحلويين يفارقونا
وماتبقى الا ذكرى
حلوة لينا
نندم فيها
على أيامنا وليالينا
نشم ريحهم
من على جدران الدار
ونفتكر خوفهم
وحبهم لينا
كانوا زمان
يفتحوا الباب
ويغطونا ويمسحوا علينا
وبالماء يرونا
راح فين زمان
راحت فين الحنيه
وإبكى ياقلبى
على الحنيه
وناسها اللى سبونا
والزمن غدر بينا
ملكش أمان يازمن
تسقينا المر
وإحنا اللى
عايشين فيك
بنندم على أهالينا
ونروح ليهم
تحت التراب
نبكى حسرات
ونكلمهم ونشكى ليهم
ونقو كمان
فاكرين زمان
عندما كنتم بتلمونا
على طبليه واحدة
وتقعدوا توعونا
من غدر الأيام والزمن
آاه لو رجعتوا
تانى لينا
لنشعل سراج الليل
وفى أحضانكم
نشكوا ليالينا
بس الزمن
يعود تانى بيكم
ياعينى على
اللى مشيوا
وسابونا لقهر
الناس والزمن لينا
بقلمى عبدالمنعم عدلى