شهيد ....قلم عبدالمنعم عدلى

شهيد
عبدالمنعم عدلى..مصر
ياإبن بلدى ياللى
صباحك كان نادى
كل يوم رايح وجاى
أصللك من هواة الناى
نايك فى أذنى
لساه شغال
لم يفارقنى
رحت وراح عزفك
أبكى عليك بقلبى
وروحى بتزغرد
مع الناى
زغرودة حزينه
متحشرجه فى الحنجره
بس مش حاسدك
د الحلوه كانت
واقفة مستنياك
ليها سنه بتنادى عليك
وإنت غايب عن المدار
واليوم
لبيت النداء
ودمك سال
وملئ الناى
إرحل بسلام
نايك فى أمان
هتعلم عليه
وأعزف أنا كمان
وأقول كلماتك الحلوه
مهما بكى الناى
أنا المصرى الهمام
أفديك يابلدى
وأفدى ولادك
وإنت تعيشى فى أمان
أنا الجندى
حامى عرضى
أنا الحارس
أنا الراعى
أنا الغنى
بحب بلدى
أنا الشهيد
على الحدود
عازف الناى
أفديك ياحصى
رمل بلادى
بدمى وحب بلادى
إعزف ياناى
وقول كمان
وإنزف دمى
على الرمال
وإحمى بلدى وعرضى
وإفتكر بكرا
إن الشجعان
واقفين بيحموا البلاد
بقلمى عبدالمنعم عدلى