ضميني..قلم أشرف الدغيدي

( ضميني )

ضميني  بعيونك  حبيبتي وفرحيني

إحضنيني وبرمشك ما تجرحيني

خليني احس بحبك  وهواكيِ خليني

ّ وعلي بعدك ليالي  صعبه واسيني

قربي مني وخليني جنبك أعيش

ياأجمل شيء في دنيتي وأحن منك مافيش

عيشت سنين عمري  قبل ما أشوفك  بتمناكي

ياحلم جميل وحب كبير من زمان باستناكي

ده انا قلبي قبل منك كان مني تايه

 وعمري يآحبيبتي گان ضايع

بعمري إشتريت حبك وما اقدرش أبعد  عنك

ده انا ياما اتعذبت وبكيت في ليالي بعدك

من كتر خوفي يكون قلبك ناسي و بايع

ماهو  قلبي عمره  ما مال  لحد غيرك

والدنيا ماتساوي ياحبيبتي نظرة  من عينك

ده انا اشتياقي وحنيني ليكي  مالوش  مثيل

وساعات البعد عنك عذبتني عذاب سنين

ماهو قلبي دآيب  في هواكي  من زمآن

وحبك بيسعد قلبي ومخليه حاسس بالأمآن

ياحلم العمر اللي هويته وعشقته وحبيته

حبيت دنيتك..والهنا  معاكي عيشته وحسيته

مشتاقلك حبيبتي ووحشني كتير حضنك

عيوني  لعيونك  يآ حبيبتي  بتسلم

والقلب في بعدك تعبان  وبيتألم

وإيه  يداويه ياعمري غير حنان قلبك

تعالي  جنبي وخليني احس بحبك

وافضل معاكي وقلبي يفرح بقربك

ونعوض كل يوم ضاع من عمرنا  واحنا بعاد

بعدك  خلاَّ أيامي  صعبه وما بتعدي

والهجر بيخلي القلب يشيل الهم من بدري

 اتحملت عذاب ومرار البعد كتير جوايا

كفايه حبيبتي بعاد وطمني الفؤآد

وتعالي خليني أتهني بليالي هوايا

خواطر ( أشرف الدغيدي )