\\يعني خلاص \\
يعني خلاص بقيت ذكرى
وبقيت مركون علي رفوفك
يعني لو يفوت بكرا
هفتح عيني مش أشوفك
ياألف خساره ع الدنيا
أنا أللي فاكرني محبوبك
يدوب نزعل تفوت ثانيه
ألاقي الغدر كان توبك
راح فين الغرام بنا
وراح فين الكلام في الحب
في لحظه الدنيا تغلبنا
يطلع كل دا كان كدب
خلاص القطر عدى وفات
وهتمشي لوحدك السكه
ولو سألوكي حبنا مات
قولي دبحته ميت حته
خوفي مش عليكي خلاص
خوفي ع اللي جاي بعدي
تسقيه زيي مر ف كاس
ويلقى وعده من وعدي
أنا راضي أشيل ذنبك
ما أنا إللي بنيته م الاول
زرعت الحب أنا ف قلبك
طرح في الغدر وإتحول
.......وعجبي..........
عصام دويدار
ليست هناك تعليقات:
إرسال تعليق