القمر زعلان
بقلم الشاعر علاء هشام
...
ماتحملتش اشوفك خايفة
ولا احس بانك زعلانة
لسه ياروحي عيونك شايفة
وعيوني لقربك ولهانة
من صغري وبدلع فيكي
اكمنك جوايا ملاكي
باخد من عمري وبديكي
بس عشان اسكن جواكي
عايش ع الضحكه وع البسمهة
وبرائتك لما بتتلامضي
عمري ف يوم م قبلت القسمة
ولا فكرت ف بعدك امضي
دايما بكتب عن اموره
واتقمص دور الولهان
واما بتحلي ف عيني الصوره
فجأه احساسي يبات شبعان
شايف فيكي الشهد مكرر
وخدودك مشاء الله عليهم
وان العشق ف قربك قرر
إمشي خلاص يالا واخبيهم
روميو الشعر بيكتب ليكي
وانطونيو بيرسملك جنة
وانا عطشان من سحر عنيكي
عايش بحلم بس برنة
صوت الخلخال هز كياني
دق ف قلبي اربع دقات
رجع ليا الشوق من تاني
وكاني ف حبك شحات
اقسملك انك سكناني
ده انا من غيرك ممكن اموت
راح اقولك طبعا وحشاني
بس هقولها بعلو الصوت
ليست هناك تعليقات:
إرسال تعليق