دنيا كدابه...قلم عبدالمنعم عدلى

دنيا كدابه
عبدالمنعم عدلى..مصر
كدابه دنيا النفاق
كدابه وغشاشه
وناسها بالكدب معجونين
والزمن خداع
أوعى تصدق يوم
إن فيها حنية
إبكى معايا
على الحنية
راحت وراحت أيامها
سراب وبنجرى وراه
وبنكدب على بعضينا
والكل فينا تائه
وهى دنيا
وملناش غيرها
ومشين فيها
بتعد خطاوينا
وبتعد لينا
حفرة تحت
تراب أراضيها
مش هنستنا
بكره نمشى
ونسيب أهالينا
فى دنيا كدابه
وبتخدع فيهم
لو بأيدينا
ماجئنا فيها
مكتوب علينا
نشرب مر لياليها
ونشوف المكر بأعيننا
ونصدق إننا
عيشين فيها
أحياء وإحنا أموات
والعمر ضاع فيها
وإحنا ذى ماإحنا
مستنين يوم نرحل
عن أراضيها
دنيا وحيطانها
من طين
ليه بنبكى عليها
نبكى على العمر
اللى ضاع فيها
كدابه يادنيا كدابه
بقلمى عبدالمنعم عدلى