للجنة مطلوب ..🌺 قلم 🌻رمضان عبدالله أحمد

للجنة مطلوب
-------------------------
الرحم ...من اسم الله
يلا معانا .......نوصلها
تلاقيهم ...لو قولت آه
فروض علينا  ونعملها

اتواصل هتكون محبوب
 للجنة هتكون مطلوب
ويشاوروا ويقولوا عليك
ان راح او جه طيوب

لما مع رحمك تتواصل
هتعيش متهني بحياتك
لرضا الله هتكون واصل
ترتاح  وانا. في مماتك

البركة ف تواصلنا تزيد
وحياتنا هتبقى يوم عيد
لو نتواصل مع ارحامنا
الحب هيفضل بينا شديد

عايزك تسأل على عمك
واتواصل دايما باولاده
دولا  ياولدي  من  دمك
واولادك هيكونوا احفاده

لو بتحب البركة لرزقك
لو عايز ينسأ فى اثرك
اسمع يابني سيدنا النبي
 اتواصل  يلا  مع رحمك
        ------------
بقلمي/ رمضان عبدالله أحمد