على فين .. قلم الشاعر يحيى نفادي سيد

م الفلكلور الشعبي (( على فين ))) على فين رايح يا للي الدنيا وخداك من شرقها لغربها رحال فيها أيه هي الدنيا مش سيعاك لا بتحسب حساب خطاويك ولا فكرت الندم يوم ها بسيق خطاك الدنيا لو تضحكلك أيامها يبقى عوض ربي فيك هو اللي يتولاك الدنيا يا ابن الناس سواقي دواره إياك من طواحينها تملي معينك وتصب أساك لو فاكر الخير فيها ها يقبلك تبقى اشتريت خيرها بحسرة بلاك يا باتر العشرة م نفسك أيه راح تعمل الدنيا وياك دا العمر فلك ف بحرها موجة تاخده لغريقها وموجة تحملك غضبها وتنساك وأيه يفيدك لو العمر ولى وتلاقى نفسك الدنيا ما بقتش حضناك لو صنت نفسك وكرامة عزتها ما كنش الامل خنق روحه وراك وتجري مهما تجري وفاكرها جنبك لا دا الندم هو اللي طريقه معاك أهرب م نفسك لنفسك ها تشوف الدنيا خطوتين خطوة توبة لربك وخطوة هدى تلاقي فيها رضا مولاك.............. وعجبي يحيى نفادي سيد ف24/12/2020