شكوى المهيار..
أقول :وأنا المهيار !!!
وعمر السامعين يطول //
صلوا على طه الرسول //
أقول :
تكلم قول ياقلب أسباب جمادك
و أنت الي جرحت القلب الله حسيبك
باعاندك حتى تبطل عنادك
وترقبك وينك وغيظك وسيبك
يلعن أبو حبك على بو ودادك
لنته ولد عمي ولا أنا حبيبك
حرام ما توصل لغاية مرادك
مهما تزين لي من الغدر طبيبك
أعرف مكانك وين واعرف بلادك
وحق من سواك قادر أجيبك
ونزلك من فوق صهوة جوادك
لا تفتكر قلبي خلص مكتفي بك
تعال جمع ما بقى من عتادك
هذا مقدرك وهذا نصيبك
سود الورق ما راح تقبل مدادك
دور على غيرالمهيار يريح قليبك
أصبحت بين الناس تنشر فسادك
وش تبي تسوي لو تولاك شيبك
فهمتك أني فالخوالي سنادك
وأني لك أقرب من فلوسك بجيبك
ياما نصحتك قبل تعلن حدادك
واليوم شايل فوق الكتاف عيبك
جزاك يامن تفتخر في عنادك
أصبحت سلعه للردي يلتهي بك
وهذا قول المهيار على جهادك
الله ينتقم منك وش جاني من حبك
مهيارالليل..
ليست هناك تعليقات:
إرسال تعليق