بيت جدي
يابيت جدي الغافي بحضن هالتلاتْ
ياحبة تراب معطرة بخبار وحكاياتْ
ياصوتْ الفرح بربوعنا الخضرا
يابحة ميجنا مع صوت هالناياتْ
يازنبقة وعيتْ مع شمس فرحاني
تصبحْ ربها بأجمل الآياتْ
ياشهقة الناي ملحنه بأوتار
عصافير ترتل قصيده بأجمل النغماتْ
داليه معربشي عَ سطوح مضويه
ترندح عتابا وتسكر الورداتْ
يابيت جدي الغافي بحضن هالنبعه
بصدرها حملت كتير خبرياتْ
صبيه عً كتافها جرار ملياني فرح
يادرب هالعين شو شهدتْ صبحياتْ
يابيت جدي بصدرك خبار محكيه
بليل الشتا تصحا وتنام هالجمرات
موقد سهران فيه رماد عم يغفى
ملقط يسامر بشوق هالحطبات
زهية بيطار
ليست هناك تعليقات:
إرسال تعليق