ساعات
ساعات نبكي حتى تشدني الغصة
وساعات ما نعرفش حتى القصة
وساعات نبكي حتى تضيق خلوقي
ونمسح دموعي في جبتي وبخنوقي
وساعات نصيح حتى تبان لهاتي
وساعات نتمنى نموت وتوفى حياتي
في صغرتو الانسان يحب حياتو
ويحب بوه وأمو وكل خواتو
ويحب العيشة وكل إلي فيها
ويحب ايام العز ولياليها
ما صعبها ليام كيف ادور
وفي الموت والاحزان يجيك الدور
وتذوق الشدة والهم واللوعات
وتعيش على التنهيد وتسكب الدمعات
يا خوي دير الخير وما نوصيك
وعبي الاحسان لآخرتك بيديك
لا حد يقدر يخلصك م النار
ولا حد يقدر يغيرلك اقدار
يا خوي يزيك م الهلواس
ويزيك م المعاصي وشرب الكاس
ولا تعمل كيف ما عمل ابو نواس
تبع طريق الخير الله يهديك
نوصيك توب لربي واقرا العواقب
لا يفيدك بو ولا أم ولا صاحب
شوف سويعات العمر كيف تتعاقب
ولا حد حامل جنازتو بيديه
الزواغي جاب اشعاره
سلامي من باب جديد لباب منارة
وسلامي عليكم الكل يا سهارة
َوصلاتنا على سيدنا الاف ولا تزيه.
بقلم: زعرة الزواغي.
ساعات نبكي حتى تشدني الغصة
وساعات ما نعرفش حتى القصة
وساعات نبكي حتى تضيق خلوقي
ونمسح دموعي في جبتي وبخنوقي
وساعات نصيح حتى تبان لهاتي
وساعات نتمنى نموت وتوفى حياتي
في صغرتو الانسان يحب حياتو
ويحب بوه وأمو وكل خواتو
ويحب العيشة وكل إلي فيها
ويحب ايام العز ولياليها
ما صعبها ليام كيف ادور
وفي الموت والاحزان يجيك الدور
وتذوق الشدة والهم واللوعات
وتعيش على التنهيد وتسكب الدمعات
يا خوي دير الخير وما نوصيك
وعبي الاحسان لآخرتك بيديك
لا حد يقدر يخلصك م النار
ولا حد يقدر يغيرلك اقدار
يا خوي يزيك م الهلواس
ويزيك م المعاصي وشرب الكاس
ولا تعمل كيف ما عمل ابو نواس
تبع طريق الخير الله يهديك
نوصيك توب لربي واقرا العواقب
لا يفيدك بو ولا أم ولا صاحب
شوف سويعات العمر كيف تتعاقب
ولا حد حامل جنازتو بيديه
الزواغي جاب اشعاره
سلامي من باب جديد لباب منارة
وسلامي عليكم الكل يا سهارة
َوصلاتنا على سيدنا الاف ولا تزيه.
بقلم: زعرة الزواغي.
ليست هناك تعليقات:
إرسال تعليق