ياللي بتعمل شئ..... لله...قلم الشاعر 💖 شرف الدين فاروق أحمد

//////// لله /////////
ياللي بتعمل شئ..... لله
علشان طالب منه 🤲 رضاه
ليه بتصمم تاخد صورة
وبتجرح نَفس ومكسورة
هي الصورة لحاجة ضرورة
علشان تجرح خلق الله
دا إنت بتعمل شئ لله
🤲  💖   🤲   💖    🤲
خلي الصدقة تكون في السِر
أصل الجهر اكيد بيضر
دا المحتاج نفسه عزيزة
وانت عمايلك مش بتسُر
زوّد كدا في ميزان حسناتك
بالصداقات دايماً تملاه
وبلاش تجرح خلق الله
دا إنت بتعمل شئ لله
🤲  💖   🤲   💖    🤲
ماتضيعش بكلمة صوابك
لو بتسبب جرح لغيرك
وإعمل كدا للاخرة حسابك
خلي فيه إخلاص في ضميرك
خلي الصدقة ولو بقليل
وماتجرحش عباد الله
دا إنت بتعمل شئ لله
🤲  💖   🤲   💖    🤲
الشاعر 💖 شرف الدين فاروق أحمد