فيه حد لسه عنده طبليه
اللى كانت بتلم العيله
وطبق الرز الكبير
ياكل منه الصغير والكبير
والله كان الاكل طعمه جميل
باللمه والضحكه الصافيه
بكلمة امى
بالهنا والصحه والعافيه
وبويا وسطينا
فرحان بينا
وهو بيحط أيده علينا
وامى جنبها القله
والراديو على الرف بيغنى
بيت العز يابتنا
الطبليه ماكنتش للأكل وبس
دى كانت للمذاكره كمان
والكحك والبسكوت
فى ٱخر رمضان
وحشتينى الطبليه والله
وحشتني. نظرة امى ليه والضمه
وبالصدفه كنت فاتح التلفزيون
على ماسبيرو زمان
وكانت أم كلثوم بتغنى
عايزنا نرجع زى زمان
قول للزمان
ارجع يازمان
نبيل المصرى
ليست هناك تعليقات:
إرسال تعليق