قبل ما نحدد طريقنا
عرفينا إحنا فين ؟؟
و إحتياجنا للحقيقه
رؤيته تبدأ منين
و اتبعنا للتفاهه
سنه و لا فرض عين
إحنا م الآخر تعبنا
و كان آدبنا نص عيبنا
و إننا صدقنا سيدنا
بعقل معصوب العينين
كانت المماليك حمايه
و طاعة السلطان هدايه
فالقلم خاف م الدوايا
إنها تلوث إيديه
فهمونا في المحاضره
إن كلمة حق قادره
إنها تنور طريقنا
و مش بعيد تعمل تحول
أو تكون بصله و مسار
شوفت قرد يأدي نمره
جوه سيرك و سبع و اقف
بعد منه في إنتظار
و كات عصايا في إيد شقيه
أقوى من كل الدفاتر
و العلوم و الهندسه
فهميني ليه بقينا
أمه بتبدد طاقتها
لجل تبقى كويسه
الشاعر_فهد_الحوتي
ليست هناك تعليقات:
إرسال تعليق