الغربال...غربال!
الهبيل هذا غير غربال
لا تقة فيه
لا تعطيه اهمية
ومنو بالصح رد البال
معندو ليك حمية
كلو تقوب
وخا يكون بالمقلوب
يدوز الماء والغبرة
والشعا تاهو والسمرة
التقة عندك زايدا...!
بغيت تدفى بوقيدة ساردة
وانت وهذاك سوى سوى
عندو عصا وحسبها شجرة
عندها وراق وتمرة
حصل حصلا
في الصحرا وهي شاعلا
نوا دارها فوق راسو
باغي يظلل ويجيب نعاسو
ياسيدي اختار علاش تعول
والزطمة تبدأ من الأول
الحصاد ميكون غير بالمنجل
بقيت فيا امول الغربال
الغدر بصح كاين
هنا ولهيه باين
وعصاتك درها عكاز
لا تبرمات الايام
وطال الغيام
الحجرة فوق الحجرة مهراز
الغربال غربال
ساهلة منو رد البال
الكحشة عبدالرحمان
ليست هناك تعليقات:
إرسال تعليق