زمان...قلم احمدعبدالحق

زمان كنت بنظره تفهميني
وافهمك
كنت ساعات بتجرحيني
بتهجريني
مكنتش بقدر اهجرك
مكنتش بقدر اجرحك
ولما كان ياخدك غرورك
كنت بكتب أحلي حروفي
هي الوحيده اللي كانت
بتقدرليا ترجعك
عارفه قسوتك
إني أعيش في جنتك
اشتاق رقتك
أرجع افوق
وافتكر مر الحلاوة
أفتكر حب بقساوه
غصب عني
لازم هودعك
ولو بايدي من قلبي هطلعك
ولو بايدي هجرحك
وادوس علي قلبي
لو حن ليك
لو حاول في يوم يرجعك
يا حروف العشق يلا
امسحيها
زي ما في يوم كنت شوق
برضو بشوق مزقيها
و علميها ازاي يكون تمن الخيانه
اكسريها
امانه لو حنت  للرجوع
أوعي تاني ترجعيها
خليها تتألم بالندم
تعيش لحظة ألم
يلا يا حروفي عذبيها
احمدعبدالحق