طريق مقفـول..قلم مبروك البنا

*** طريق مقفـول

-----------------

اللي بحبه في حُبه بخيل

وقلبي لقلبه كتيـر بيميـل

وبشوف منُه طول الليـل

أشواق سُهد ودمع وويل

عشت معاه الحب خيـال

أنـسـي بحُـبـه أيّ مُحـال

نبض القلب عَزَفَ موال

المعقـول وغيرالمعقـول

ولما مشاغل الدنيا خدتنا

اتكعبلنا في شوك سكـتنا

نحـب والّا نِـبني حيـاتـنا

واللي يعيش بقليله ينـول

قلبي العاشق كان مفتون

كان بيحب وهمُّه يصون

حُـب الدنيا ملانا ظنـون

وسهم الهجركان مسلول

لو دُنيـتنا مقـاس احلامنا

ولو أحلامنا قـد غـرامنا

حلـم الجنـه يشفي ألامـنا

وعش صغيرفي المعقول

لما الحب يكـون مشلـول

لما كلامه يكون معسول

تلاقي الهمْ يزيد ويطـول

وكل طريق ويّاه مقفـول

-----[مبروك البنا]-----