غزة ولبنان!
غزة ولبنان
شكون يعبر ها الميزان
عليهم قلنا كلام
هذا يدوي صح...وهذا يتلام
بعناها بسوف
وقلوبنا عامرة خوف
ما يفيد سلاح
وبناتهوم ذباح وذباح
من الشرق جاهم
والمغرب منساهم
يكفي...يكفي!
الهدرة كثيرة...ما تشفي
الضغط على الجراح يدمي
والفهامة بزاف راها تعمي
النار كانت هادية
والناس عايشا...ساهية
غرو بهم واهدوهم
وردات عطرهم فاحت
ومن غصن السلم تقطفات
ياخيبة السومة
لمن ردو اللومة
تهدامت صوامع وكنايس
وأجيال...ضاعت
بلا أمان وفي التيه تاهت
سلامتك ياغزة
لبنان حذاك تعرض لهزة
في غياب السيد الريس
كلشي بيع وشرا
الله يلعنها جرة
الصهيون فعل ودار...هدم الدار
وحنا اسم غاب عليه الخبار
ياحسرة...من يجمع الأمة
تتوحد الصفوف وتكون لينا كلمة
خليونا من الهدرة في اللمة
التحرير معمرو يجي بالرمة
شفت وسمعت كثير
الكوفية عند الصغير والكبير
الناس غير خارجة
جاهلة ما عارفة حاجة!
وجوج ريوس هي لي باغيا
ميهمها لا بيت لاهيا لا جباليا
التهور ما يفيد
ندعمو لي عندو المفيد
قراوها مزيان...راه كلشي عيان
القضية مهياش زيد او نزيد
الجمرة شاعلا حمرا
معروفة باينة ماشي بالجرة
والسيد ليطفيها بالمرة
والسلام على غزة ولبنان
ان شاء الله تتفاجا ويسود الأمان.
الكحشة عبدالرحمان
ليست هناك تعليقات:
إرسال تعليق