راجعين من الماضي
في طريق مبيسعناش
راكبين قطار فاضي
وقلوبنا مزحومه
و السرعه زي البرق
بس الضمير لو عاش
هتقوم لنا قومه
هتقولي تطلع مين ؟
أنا نفسي مش عارف
هتقولي رايح فين ؟
أنا جوه سيل جارف
و خلعني من جدري .
نفس الفتى الطايش
جوايه أهوه بيجري
ورا قطه خطفت حلم
أو قد يكون إبني .
علي الخيال و إبني
فوق السحاب أفكار
الفكره مش للبيع
و لا سلعه للتجار
يا تايبه وسط البار
و الكاس أهوه في إيدك
أخدتي عمري خضار
و فى قلبي تجاعيدك
و أنا لسه أهوه باريدك
هل ترضي عيل شاب ؟
ماشي في زوقاق دوغري
ما عرفتش أرجع ورا
العقل باب ملغي
عمله الزمان قنطره
و عدا و أنا صقفت
و قولتله براڤوا
و قعدت و إتفرجت
على فيلم دمه تقيل
مكتوب لهذا الجيل
الفرجه و الكتمان
على كل ما شافه
لسه الزمان مبناش
جبانه للأحلام
الحلم مش بيموت
لكن ساعات بينام
و يصحى عند آدان
الفجر و نصلي
أنا زيي زي كتير
واقع في حفرة يأس
مستني أول إيد
تمسك شعاع من أمل
في الضلمه يوصلني
الشاعر_فهد_الحوتي
ليست هناك تعليقات:
إرسال تعليق