--------------------------قهوة وسيجارة
أنام واصحى علي
فنجان قهوة وسيجارة
تاخدني الذكريات
واتوه من ذكري لذكري
وفجأة ياخدني
الحنين تارة والفكر تارة
وافكر في الدنيا الغدارة
مع فنجان قهوة وسيجارة
وتيجي علي بالي ناس
ناس طيبين وأمارة
وناس مليانة حقارة
وناس مساكين محتارة
ما هي أصل الدنيا دوارة
ومع قرب انتهاء القهوة
وآخر نفس في السيجارة
لا أدري من أنا؟
أنا اللي كان
والا أنا اللي هيكون
بشوف الدنيا ألوان
وبشوف البشر في جنون
يا ولداه على المطحون
سحقا على القهوة والدخان
خلوني أشوف الفتن وعدم الأمان
وبشوف كذب وجشع وبهتان
وأسعار كل يوم في جنان
وشفت قتل الإنسان للإنسان
وفجأة دخل عليا ابني
وبيقولي يا بابا
انت طلبت فنجان قهوة؟
أمي بتقولك مافيش بن
وانت شربت آخر سيجارة
قبل ما تنام----------------------صافي الجازوي
ليست هناك تعليقات:
إرسال تعليق