تليق تليق يالفركوس
-----------------------
الفروج في السروية ناض توكد
بدا يأذن باش الدجاج يقوم
قالو فيقتيني من غرق النوم
الفروج قال للفلوس تكمش و لبد
انتا ديما تشكي ديما مشؤوم
الفلوس كيدق عليه و كيتهدد
أنت ديال الدبيحة يالفيوم
غادي نتهنا ملي يجي شي حد
دازت ليام جا ضيف معزوم
الفروج شافو هرب و بعد
و دخل للضرك و بقا ملموم
مول الخيمة مالقا ميشد
و بدا يتحلبد للفلوس و يروم
الفلوس مشا للرماد يتمرمد
قالو باغي اتخبا في الحموم
تبعو يجري ليه يطارد
هو يكبضو من القمقوم
قالو علك غانرفس و نزرد
الفلوس يغوت مليقش يا قوم
الفروج ورا الشوك لابد و جامد
قالو تليق يالفركوس المسموم
تليق تليق في العطرية غاترقد
مع عديسات و سمينة و البصلة و الثوم
تليق تليق انا علك ديما مغدد
يزعجك الآذان ديما تنكر ديما تلوم
تليق تليق غاتكعور فوق المسمن المكرض
تليق بوك كالا متليقش
بقلم رضوان ضمان
المغرب
ليست هناك تعليقات:
إرسال تعليق